ضع إعلانك هنا
   للتبادل الإعلاني    للتبادل الإعلاني    للتبادل الإعلاني    للتبادل الإعلاني                                                                              




لوحه الشرف - منتديات الشقيق

المراقب المميز العضو المميز المشرف المميز الموضوع المميز
منتدى الشقيق منتدى الشقيق منتدى الشقيق منتدى الشقيق


 


الإهداءات

     
   
     

إنشاء موضوع جديد  إضافة رد
 
Bookmark and Share LinkBack أدوات الموضوع انواع عرض الموضوع
#1  
قديم 12-04-2010, 08:19 PM
نسيم الباز غير متواجد حالياً
SMS ~
سبحان الله العظيم سبحان الله وبحمده
اوسمتي
92 60 88 88 
لوني المفضل Cadetblue
 رقم العضوية : 3565
 تاريخ التسجيل : Nov 2010
 فترة الأقامة : 3102 يوم
 أخر زيارة : 12-25-2010 (06:34 AM)
 المشاركات : 81 [ + ]
 التقييم : 10
 معدل التقييم : نسيم الباز is on a distinguished road
بيانات اضافيه [ + ]
افتراضي الجزء الثاني* اللقيط *



الجزء الثاني* اللقيط *
ـ ـ ــ ـ ـ ـ ـ ـ ـ ـ ـ
بعد ثلاث اشهر
الأشياء الايجابيه الي حصلت
1_اتغيرت حالت ذكرى للأحسن
والفضل لله وحده ثم بمساعده الاخوات والايتام نفسهم؟ بتسئلو كيف؟شي بسيط كل ماهنالك انا نبهن عليهم يتوددو لها ويخلوها تشاركهم اللعب
2_صاروالاطفال متعلقين فيني لحد الجنون
3_طلال انا المسؤله عنه ابدله واحممه يعني هو لي أنا لحالي وصارو ينادوني ام طلال
طبعن زيارتي لهم كانت فتره الصباح وف يوم جاني علي
علي:يمه ثاني مره ماتجي الصباح
بحور:ليش يمه
علي:الصباح نكون بالمدرسه يادوب نجي ساعتين وتروحي مانبغا كذا
سطام فهد عزوز :ايوه يمه تعالي بالعصر
عزوز:ونامي عندي
فهد:لاعندي
بحور:خلاص انابشوف اخوي واذا وافق راح اجي خلاص
علي:ان شاء الله يوافق
بحور:قولو يارب
الجميع:يارب
روحت البيت وبعد اقناع وجلسه طويله وافقو اهلي
لحظه نسيت نقطه اكيد بتقولو بحور انتي حكيتي فبداية قصتك ان مالك دخل مادي هنا الجواب
السر هوجدتي
(ام الخيرههههه)
كل اربعاء وخميس يجون خالاتي وعماتي الي تجيب لها كرتون بسكوت والي تجيب عصير والي كيس شبس وجدتي توزع علينا وعلى عيال خوالي الصغار ومن يوم ماجيت الجمعية وانا ناشبه فيها كل ماجبو شي ووزعت علينا ما ارضى بحبه (افكر بعيالي)
بحور:ياجدتي عطيي14حبه لعيالي
وبما أن الكرتون فيه 24حبه فمايبقى شي لعيال خوالي فيظطرو يقسمو كل حبه بين اثنين
اول مره عطتني برضاها والثانية برضاها والثالثه صرخت على خالاتي
جدتي:اسمعن من اليوم ورايح ان جبتن لي احسبن حساب عيال بحور جيبو لها كرتون مثلي
ههههههه وه بس ياحليلها جدتي اثاريني مجننتها
ومن بعدها صار لي نصيب من الغنايم
المهم اليوم الثاني فاجئةالاطفال بحضوري وقت العصر فرحو مره بعدالمذاكره نطلع ونلعب
وبصراحه جو المساء روعه واحلامافيه وقت النوم
انابالنسبه لي الكبار(علي_سطام _عزوز_فهد) مايتنازلو عني ويقهرو اخوانهم اني دايم عندهم
وطبعن ماادخل غرفتهم الاوطلولي معي
اجلس احكي لهم قصص ونتكلم عن امور الدين
طبعن اتناقش معهم ع حسب سنهم نفرش بالارض واكون متربعه وهمه متوزعين حوالي كل واحد معه مخدته وبطانيته اشكالهم تجنن كذا
نسيت نقطه ثانيه(عدت فتره علي كان يضايق اختي سديم بقوه مو يضايقها لا يعني يحب ينكد عليهاويخوفها ليش مادري)
المهم كانو حاطين روسهم بحضني علي وفهد وسطام وعزوز واناكنت اقص عليهم ويدي اليمنى امسح فيها روسهم واحد واحد
سديم جت جنبي وهمست بأذني:بحور لاتتحركي ابمسح ع راس علي نفسي امسح راسي عليه
كسرت خاطري وهزيت لها راسي بالموافقه وكملت قصتي لهم
وهي مديت يدها بشويش واقبل تاصل له رفع راسه وهو رافع حاجب
بحور:هههههههههه
سديم:هههه انانفسي اعرف علوي ليش انت تحب تضايقني وماتخليني اجلس عندك ولا العب معك
سكت علي فتره وقعد يطالعهابدون مايتكلم وبعدها
علي:اقولك ليش
سديم: ايه قولي نفسي اعرف
(انا كنت ساكته واتابع نقاشهم وبصراحه شدني اسلوب علي ونفس الوقت أبعرف ليش يعامل سديم كذا ونربط لساني من رده)
علي:لأنك من اول ماجيتي عندناسلمتي عليهم كلهم الا أنا ليش؟؟؟؟؟؟؟؟
سديم:دمعت عيونها ياويلي علي والله ماقصدت
بحور:علي حبيبي ماماسديم كانت مستحيةمنك عشانك كبير يمه والحين تعودت عليك
سديم:نطت لعلي وضمته وهو عادي تركها وماطردها زي اول وكانت تصيح وبعدين تضحك وترجع تصيح وتضحك
عزوز:ماماسديم مجنونه تضحك وتبكي
الكل:ههههههههههههههههههه
انتهى اليوم بعد ما
تصالحو علي وسديم
ووعدته سديم بكره تجيب له ليز كبيره وحمضيات وحلاوه(وام ام اس )كل هذا رضاوه عشان يسامحها
نامو وشلتهم بأسرتهم واستودعتهم الله
واخذت طلول حبيب قلبي لي فتره اضغط علي اهلي ياخذوه عندنا ويرفضو
(قبل فتره لمحت وحده من المشرفات ان الصغار الي مثل طلال وسعيد مايطولو يجو ناس وياخذوهم يرضعوهم مع عيالهم ويصيرو اهله)
ومن بعدها وانا اضغط ع اهلي لاكن مابيدي حيله
واستمرت حياتي معهم ع هذا الحال وحبي لهم كل ماله يزيد فيوم استوقفتني وحده من الموظفات :بحور لوسمحتي ابيكي بخدمه
بحور:ابشري
الموظفة:تسلمي بحور بصراحه اناموضوعي متعلق بعلي
بحور:خير ان شاء الله
الموظفه :علي جاي من المدرسه متضايق مادري وش فيه حاولنا نكلمه ومايرد ع احد وبما انهم يحبوكي حاولي تعرفي ايش مشكلته
بحور:حاظر هو وين الحين
الموظفة:بالسيب الخلفي
بحور:انارايحه له الحين
طلعت من عندها وتوجهت لسيب الخلفي كان جالس عندالزرع ويحفر له باين انه متضايق مره
بحور:علوي انتا هنايماما وانا جالسه ادور عليك تعال سلم علي يمه
عانقني حسيته تعبان وانا ومابي ابين له اني مرسوله
ابيه لحاله يفضفض لي
بحور:علي الجو حلو شرايك ماما نطلع انا وانت لوحدنا بالسطح
هز راسه وجلسنا فوق
بحور:علي اناامك حاسه ماما انك متضايق قولي حبيبي ايش مضايقك
علي:يمه قولي لمامانوره (المديره)تشيل اللوحه ماابغاها تكون فيه
بحور:ليش ياماما
علي:اصحابي يمه والي بالباص كلهم قالو لي يمه
بحور:وش قالو
علي:يمه انا عارف اناماعندي ام ولا اب عارف ماله داعي تكذبو
بحور:علي تبغاني ازعل منك
علي:هزا راسه بالنفي
بحور:خلاص اناقلت لك انا أمك بعدين ياماما اناموقلت طنش كلامهم وتوكل ع الله الله معاناودايم يشوفنا
ياماما الرسول صلى الله عليه وسلم قال(اناوكافل اليتيم كهاتين فالجنه)
علي:يعني حنا نروح الجنة
بحور:لما نؤمن بالله ونتوكل عليه ونحافظ ع الصلاه ونبتعد عن السيئات ندخل الجنه بإذ الله
الحين ماما طنش كلام اصحابك
وتعال معي ننزل تحت ابغا اتغدا جيعانه
علي:اناكمان جيعان
بحور:ياسلام اناوش قلت قبل كذا ماقلت لازم نتغدى
تبغاتزعل مامامنك هاه
علي:لاخلص الحين بخلصه كله
بحور:ايوه كذا
نزلنا وتغدا علاوي وبعدها لعبنا وجلسنا جلسه كبيره احناوالحاضنات نقول قصص والاطفال معانا
روحت البيت واناتعبانه ارجولي تعورني من الركض صليت ودعيت الله ونمت ورئيت منام
(رأيت اني وافقه وعلي واقف جنبي ضامني واقوله هاه يمه مبصوط اني معكم يرفع راسه وهم مبتسم ويقول ايه ويرجع يضمني واقول ماراح اخليكم يمه)
الظهراتصلت ع مفسرالاحلام0واخبرته بحلمي سألني :عن علاقتي بالطفل فأخبرته
الشيخ :ماشاء الله الواضح لي بان الله قد يفرج هم كبير عنك بأذن الله
حمدت الله
اللهم لك الحمد ولك الشكر
قمت وتجهزت لعيالي وجهزت الاغراض الي باخذها معي
جيت وكان فيه اجتماع ونادتني المديره :بحور تعالي
(بصراحه خفت لان بعض الموظفات كانو يتضايقو من تعلق الاطفال فيني من بين الجميع وخفت احديكون ناقلها شي غلط)
اناماسويت شي غلط اناكل الي سويته تركت اسلوب الامروالنهي وحكمت عقلي وعاملتهم كأم
أم تخاف ع ابنائها
ام تدافع عن احق ابنائها
ام تسعى ان يكون ابنائها ع احسن وافضل حال
دخلت الاداره وكانت المديره توبخ بعض الحاضنات خصوصا" المسؤلات عن الاطفال تحت سن السادسه فقد اصبحت ترا بعض التمرد والالفاظ وعدم الاحترام
احسست بأني سأكون التالية بعدهن
فقمت اتحدث مع نفسي (بحور انتي مافعتلي شي خاطئ خليك واثقة من نفسك )ايه اناواثقه من نفسي
انتبهت ع صوت المديره ونظرات الموظفات لي فرددت بسرعه
بحور:هلا
المديره:بحورالله يعطيك العافية بصراحه الكل اثنى عليك وعلى عملك
بحور من اليوم اعتبري نفسك بوظيفه رسمية وراتب ثابت
فرحت كثيروتذكرت رؤيا الامس سبحان الله الوظيفه كانت اكبر هم شايلته يارب لك الحمد تصدقون كنت اتسلف كثير لجل اوفرلهم الي يبغوه والحين صارلي راتب معناته بقدر اخذهم للألعاب وامشيهم معي براتب من تعبي وشقاي يعني مافي شي اسمه سلف بعد كذا
بحور:الحمدلله مشكوره استاذه نوره
المديره:العفو حبيتي تستاهلي كل خيربس بحور انابكلفك بمسؤليه ثانيه راح اسلمك القسم الي تحت (فهودوصالح ناصروصلاح)==>الله يحفظهم بيطلعون لي قرون هههه
بحور:ايه استاذه نوره بس الكبار راح يزعلو
المديره:ماعليش انابسلمك
هالمهمه والكبارخلص كذا همه تمام التمام
بحور:انامابقول مابي الصغار انا بس ابيكم ماتمنعوني من الكبار
المديره:مو مشكله لاخلصتي شغلك من الصغار تقدري تروحي للكبار
بحور:ابي ع طول اكون معهم كلهم
شوي دخل ناصر مامابحول(مامابحور) وجايجري نزلت لمستواه ورفعته وطبع قبله ع خدي وانا رديتهاله بالمثل
المديره:خلص ماعاد فيه نقاش وشهد شاهدا"من اهله هذا ناصر جاكي
بحور:مو حبن فيني الايبي الي بالشنطه
الجميع :هههههههههههههه
المديره: خلص كل وحده تروح تشوف شغلهاومابي الأخطاء تكرر وانتي بحور خوذي عيالك وابدئي فيهم من الأن ولاتطلعي فوق
بحور:حاضر
اخذت ناصر وقبل لادخل قسمهم اصواتهم واصله لبرا واسمع صوت خبط وتكسير
تنهدت وسميت بالله ودخلت
بحور:السلام عليكم
فهود:جت ماما جت يمه جبتي لناحلويات
ناصر:ماما بحول نام عندنا(ماما بحور بتنام عندنا)
صلاح:صدق يمه
ناصر:الا سح وناضر فيني سح ماما
بحور:صح يماما
صالح:اناحبك ماما
بحور:وانااحبكم كلكم
نزلت تحت بالارض وجلستهم حوالي وجلست اكلمهم
بحور:امممم انتو تحبو ماما
الجميع:ايوه
بحور:طيب الي حب ماما ومايبغاها تزعل منه مايسوي حاجه غلط
فهود:حنامانسوي غلط صح صلاح
صلاح:صح
وصالح قاط معهم وقال:صح
بحور:حرام ماماالكذب شوفو مين الي حوس الغرفه
وبدا كل واحد يحطهافالثاني
بحور:ياماماخلاص المره هذي انامسامحتكم ماتعودوهاثاني
الجميع:خلاص
بحور:شفتو ماماعايده(مسؤله النظافه) مسكينه ترتب وتنظف وتخلي كل حاجه نضيفه واحنا نخرب مايجوز كذا
فهود :خلاص يمه مانعودها
بحور:طيب اشرايكم نساعد بعض ونرتب الغرفه عشان لاجو ضيوف يقولو ماشاء الله هذول الاولاد مرتبين ويجيبو هدايا
وكل واحد قام يشيل شي وانا اشيل الأشياء الثقيله واعدلها
وبدقايق خلصنا
بحور:شفتو ماما ماحلو كذا شفتو كيف طالعه تجنن غرفتكم
صلاح:ايوه
بحور:قومو ابصوركم عشان اوريها صديقاتي واقول شوفو عيالي مؤدبين جيبو لهم هدايا
لماكنت اصور انفتح الباب بقوه وعضيت شفايفي وانا اشوف الي داخلين ومعصبين وانا وعارفه ليش(علي:سطام:عزوز:فهد)
علي:ليش يمه
سطام:صدق بتجلسين عندهذول وتخلينا
بحور:لاماما من قال اناوعدتكم مابخليكم
فهد:بس انتي عندهم بالله ليش هاه
صلاح وفهود لقو لهم وسيلة تسليه وجا وقت انتقامهم منهم وقامو يقهرو الكبار
صلاح:اناه ممابحور عندنا ياحرام
فهود:احسن وجابت لناهداياويغمز لصلاح صح صلاح
صلاح: ايوه
فهد:شفتي شفتي يمه
:بحور:ههههههه حبيبي الاستاذه نوره قالت لي اصير عندهم عشان شقاوتهم
لازم ماما اكون عندهم
سطام:خلص انابصير شقي عشان اصيرمعك
بحور:لاماما لاتزعلوني منكم بعدين انامعكم ع طول راح نلعب مع بعض ونسوي مسابقات عادي ماراح يتغيرشي
والحين اطلعو البسو جزماتكم (تكرمون)عشان ننزل بالحديقه ونعلب لعبة الكنز ترا جبت الكور الي نخبي فيها الاوراق يعني الحين اتحداكم تفوزو
طلعو وكل واحد يسبق الثاني تنهدت وخلصت عيالي الي انامسؤله عنهم وطلعتهم وجت كل حاضنه واطفالها
جاب علي طلال ياويل حالي كيف نسيته
اخذته وبوسته وقد يضحك وحطيته بحضني
البنات يقولو انه يشبهني (تمنيت امي وابوي ياخذوه ويعيش معنا ع طول لاكن مابيدي لاحول ولاقوه واكره شي اسمع هالكلمه ....الناس ايش تقول؟؟احنا مالنا ومال الناس شي انت مقتنع فيه وعارف انه صح سوه واجرك ع الله قولي وش بتاخذ من الدنيا غير عملك هذا حنا نشوف حكام وملوك وفقرا وأغنيايموتو وتركو مو مليون بلايين كان حريص يجمعها بالدنيا لاكن اليوم جاته سكرت الموت وماعاد تنفعه بقبره تصدقون انا استغرب حال بعض الناس عندهم خيرات ونعم وماكلف نفسه يكفل يتيم ولا يساعد اسرفقيره ماراح يخسر شي اجره يكون مضاعف وهالشي نقراه يوميا"فكتاب الله لاكن القله من يطبق)
جابو وجبه العصر كانت شبس وعصيرالموظفة تنادي كل حاضنه وتعطيها ع عدد الاولاد الي معهاونادتني واخذت (لفهود وصلاح وصالح وناصر)
ورجعت للفرشه كان جالس جنبي فهد وسطام يركبو اللعبه الي معهم
ناديت الاطفال الي مسؤله عنهم
بحور: وين عيالي ياالله تعالو ناكل الوجبه
وسمعت الي بجنبي يتكلمو
فهد:سمعت سمعت ياسطام شف قالت وين عيالي يعني خلاص تصير معهم ع طول
ولفيت لجهتهم شفت سطام عابس وفهد رافع حواجبه
(فهد فيه طبع يحب يتملك الشي)
(وسطام غيورويغار بقوه من خوانه واحسن شي يقول الحق ومايخاف من احد)
ناظرت فيهم
بحور:سطام
سطام:اكتفى بظرات
بحور:ايش ريكم نكلم ماما نوره
وانقنعها تروحومعي حديقه الالعاب ونقعدفيها لساعه8ونص ونجي
(كنت ابي اشيل الافكار الي بدت تعشعش براسهم)
سطام:دقي الحين
فهد:يمه تاخذين عيالك معنا
بحور:ههههههه اكيدباخذكم فهد ياماما كلكم عيالي الاسبوع ذا باخذك انت وسطام وعلي وعزوز
والاسبوع الي بعده اخوانك الصغار اتفقنا
الجميع:ايوه
واتفقنا ايش بنقول بعدهااخذت الجهاز ودقيت ع المديره
بحور:مرحبا
المديره:هلابحور
بحور:هلابك احم فيه ناس يبغو يكلموك
المديره:مين؟؟؟
سطام:يمه
المديره:هلاحبيبي مين انت؟؟
سطام:انا سطام يمه
فهد:وانا فهد
المديره:هههه ايش عندكم
سطام:نبغا نطلبك طلب
المدير:ايش هوه؟
سطام:اول قولي اناموافقه
فهد:ايوه يمه قولي بش لا أآ بش ؟؟مامابحور ايش الكلمه نسيت كنت ابقول بشير
المديره+بحور:ههههههههههه
بحور:قول قولي ابشر
فهد:ايوه هيه نفسها
بحور+المديره:ههههههههههههههههه ه
المديره:طب قولها قول ابشر
فهد:ابشر
المديره:ابشرو ايش تبغو
سطام :نبغا نروح مع مامابحور الالعاب من الحين لين نتعب
المديره:حاظر بس عطني بحور
سطام:خوذي ماماتبغاكي
بحور:هلا
المديره:مين بتاخذين ؟
بحور:باخذ عيالي الي حشرتوني عنهم ساعتين وقالبين الدنيا فوق تحت
المديره:هههه ماعليه بيتعودو
بتاخذي الاطفال الباقيين
بحور:لاهمه برتب لهم وقت ثاني ان شاء الله
المديره:خلص بس ع الساعه 8ونص تكونو هنا
بحور:اوكيه يعطيك العافيه
قفلت وحصلت سطام وفهد مو بمكانة توقعته راح يلبس
وخاب توقعي وانا اشوف الجيش الي جايني وفهد وراهم يضحك اكيد فهد قايل لهم
بديت اضحك احبهم ياناس احبهم في زعلهم و برضاهم
صلاح:ليه يمه تاخذينهم
فهد:احسن
فهود:اصلن هي حقتنا مامانوره قالت
وقطعت كلامهم قبل مايشتد النقاش
بحور:بس يامامااسمعوني
فهود وصلاح وناصر وصالح انتم الاربعا الجاي اخذكم نروح رحلتين خلاص الحين باخذ الكبار بس عشان السياره صغيره وراح اجيب لكم الي تبغوه (كان سهل علي أقناعهم بس البنات انامقصره معهم بالطلعات ماقداخذتهم معي نهائي)
بحور:اماني وريم روحو جهرو حالكم بتروحو معنا
ريم:شكرا ياعسله ياقشطه ياقمره ياحلوه(هذي دايم تقولها لداخل والطالع)
اماني:شكرا"يمه
بحور:عفوا"ياالله بسرعه معكم خمس دقايق اماني جيبي معك عباتي وشنطتي
اماني:حاضر
وناديت فهدوصلاح وناصر وصالح وعطيتهم نصايح قبل امشي لاتهاوشو اخوانكم وحترمو امهاتكم واذا وحده دقت علي وقالت مايسمعو الكلام ماراح اجيب لكم شي
وسجلت ايش الي يبغوه وقالو لي اخبيها فمكان اذاحصلتهم نايمين
ركبنا مع سايق توصيل سعودي
علي وسطام قدام والباقي ورى
وكان الله يصلح حاله حاط اغاني
واناماقدرت افتح فمي بكلمه
لاكن هيهات عزوز يسكت
عزوزبصوت عالي:يمه حاط اغاني
وانا ساكته
عزوز بصوت اعلى
يمه شوفي هذا حاط اغاني
حرام الله يحطه بالنار
وقام يسكر اذانه بيده وكل الاطفال سوو مثله
السايق انحرج وسكر التسجيل ع طول
(واناكاتمه ضحكتي وعاجبني الي سواه عزوز )
دقايق وبعدها طلع السايق بكت دخان
لو الحيا تكلمت مابيه يسوي ذا الشي قدامهم وانا شايفه نظرات علي وسطام متجهه لسايق
واول ماعزوز شم الريحه :يوه بعد دخان حرام الله يحطك بالنار انت ماتفهم
يمه شوفيه غبي قولي له يمه حرام حرام
(فديت عزوز ههههه)
وعلى طول رمى السايق الدخان
وبقلبي اقول السايق ذا بيتوب بعد كذا يمر من قدام شارع الجمعية بعد كذا
وصلنا ونزلنا واعطيت علي يدفع عشره لسايق وراح
اعطيتهم نصايح محد يبعد عني والالعاب راح نلعبها كلها الالعاب هناغالية ارخص لعبه سعرها لشخص الواحد6 ريال وهي للاطفال الي تحت سن 6سنوات والالعاب الباقيه ب12ريال وانا جايبه 6من الايتام وسبق وقالو لي البنات انهم راحو يكلمو الاداره عشان يسمحو يلعبوهم مجانا"أو يخفصو السعر عشان نقدر نلعبهم لاكن رفظو قالو بس التأهيل الشامل مجانا"(ماعتقد السوق راح يخسر ولا الأله راح تخرب وتنكسر لو لعبو طفل يتيم مجانا" !!!)
المهم كان معي 500ماخذتها سلف 350لعب ومشتريات والباقي عشى خفيف
لعبو وانبسطو وخلصت فلوس الألعاب
بحور:تعالو نجلس عشان نطلب عشى ايش تبغو بيتزاء ولابرقر
سطام:لايمه مانبغى نبغى نلعب
علي:ايوه يمه
بحور:يماما خلص ماعاد بقى الا فلوس العشاء
علي:مانبغى نتعشى تبغو تتعشو ولاتلعبو
كلهم:نلعب
(مستحيل احرمهم من الوناسه بس لازم يتعشو طاحت عيوني ع اسم محل وعرفته ع طول وجت في بالي عبير)
عبير وحده من صاحباتي تشتغل مندوبه لنفس الشركه والدها توفى منذوثلاث سنين
بحور:مرحبا عبير
عبير:ياهلا بحور
بحور:اي نعم
عبير:كيفك ياشيخه كيف دنياكي
بحور :تمام الحمدلله عبير احتاجك بخدمه
وحكيت لها القصه
بحور:ابيكي تكلمي الشركه يعطوني 200من نسبتك عندهم وانا نهايةالشهر ارسلها لكي
عبير:ابشري والله دقايق وادق عليكي
انتضرتها
ورن جوالي
عبير:بحوره روحي المحل وخوذي المبلغ ووقعي ع اوراق سند قبض
بحور:الله يجزاكي خير مشكوره عبير نردها بالافراح ***** الله
عبير:تسلمي بحور متى تروحون
بحور:ساعه ساعه ونص كذا
عبير:خساره كنت ابجي واشوفهم ياالله الجايات اكثر
بخليكي الحين واذا روحتي اتصلي احتاجك
بحور:ع خير ان شاء الله
الساعه 9 اكون فالبيت 9ونص اتصلي
عبير:اوكيه خلاص
رحت المحل ووقعت واخذت المبلغ ورجعت لعيالي الي اول ماجلست وقبل اتكلم قامو وحبوني ع راسي واحد واحد!!!
علي:شكرا" يمه
بحور:عفوا" حبيبي بس ع ايش
سطام:انتي دقيتي ع صديقتك واخذتي فلوس على شانا
بحور:فديتكم ياالله طيب قدامي نكمل لعب وبعدها نطلب عشى لنا ولأخوانكم خلاص
الجميع :ايوه
خلصنا وصلنا البيت ع 9الاربع دخلت اشوف عيالي نايمين بوستهم واحد واحد وحطيت لكل واحد تحت مخدته هديه استودعتهم الله وطلعت ابي طلول اخذته وجلست واناتعبانه ومكسره تكسير لاكن التعب كله راج ببتسامه وحده من طلولي
جا الباص ورجعنا لبيوتنا
وسلمت على اهلي وبعدنص ساعه جوالي رن(عبير تتصل بك)يوه نسيتها دخلت جوا
ورديت عليها
بحور:هلاوغلا
عبير:هلابك هاه كيف عيالك
بحور:تمام فديتهم تصدقين عبير ودي انام عندهم ع طول
عبير: هههه يابنت خفي شوي ارحمي حالك
بحور:صدقيني عبير انا اول كنت اقول مافي شخص عاش الهم والحزن مثلي شوفي كم صار لي سنة وانا ادور ع وظيفه كم صار لي سنة وانا اعاني من وقت الفراغ والملل والضيقه
صدقيني عبير كل شي راح عني من اول ماعرفت هالاطفال رجعت بحورالاولى البشوشه صرت احكي لناس الي اشوفه
واسمعه اخاف تضحكي ع كلمتي احس اني صايره عضو فعال في هالبلد
عبير:ياحياتي كلك خير وبركه آآه يابحور لاتشكي لي عشان ماابكي لك والله للأن فاقده ابوي الله يرحمه لوكان عايش ماكان ذا حالنا
بحور:عبير اسمعيني هذا شي مقدر ومكتوب مالنا اعتراض ع قسمه الله وكلنا ماشيين بنفس الطريق وان شاء الله بنجتمع في جنةالفردوس الحزن مايرجع شي انتي مسؤله عن اخوانك واخواتك لاتبيني الضعف قدامهم ازرعي فيهم الخير
عبير انتي فقدتي ابوكي
وفلانه فقدت امها
وفلان فقدهم الاثنين
ترى حالكم يهون جنب غيركم
لاتطالعو فيني صدق الي بقوله
مات ابوك ولا امك ولا الاثنين
لك اسم لك عايله لك قبيله معروف نسبك فلان بن فلان الفلاني
غيرك لا
لانســـــــــــب
لاظــــــــهر
لاعــــــزوه
ققط
اســــــم
اســـــــــــــــــم فقط هو الي يحمله احمدي ربك واشكريه
عندك نعمه غيرك يتمنى يملكها
عبير:الحمدلله والشكر صدقتي والله من شاف مصيبه غيره هانت عليه مصيبته
الله يجزاكي خير بحوره
بحور:دعواتك ياقلبي
عبير:الله يوفقك بستأذنك بحور بجهز عشى اخواني موتقاطعيني دقي عاد واذا احتجتي شي انا حاظره
بحور:مشكوره ياقلبي ابي سلامتك في امان الله
عبير:في امان الله
قفلت من عبير وانا استرجع شريط حياتي
غريبه كيفها الدنيا تجمع ناس وتعبدناس...
غريبه احوالهابالحيل تحير من سكن فيها ...
تحاكي من نساهاوراح وانا بالمشاعر جاس...
وتهمل في سؤال الي قضى عمره يحاكيها ...
غريبه ليه تبخل دوم على من حبها بأحساس...
وتجزل في عطاياه لناس مادرو بيها...
غريبه حيل هالدنياصعيبه تكتم الانفاس...
ندراي طبعها لاكن عجزنا كيف نرضيها...
يادنيا كيف نرضيكي وندمح ثورة الهوجاس...
ونوقد بالامل ضيك على دربك ونضويها ...
يادنيا ليه مايكفي على مرك شربنا الكاس...
ولايكفي على ظلمك تحملنا مساويها...
الا ياقلبي الموجوع الا يافكري المحتاس...
الا وش حيلت العاجزليا زمة بلاويها...
نعم لاباس ياقلبن تجرع بالهوى لاباس...
تصبر واصطبر واصبر عسى بالصبر نبريها...
تصبر واصطبر واصبر عسى بالصبر نبريها....
(شتان بين حياتي قبل وحياتي الآن اول يائسه محطمه والآن كلي امل وتفائل املي بالله كبير)
هذه الدنيا فلا تهتم.. ابهج ناظريك بألون الطيف تجد نفسك سعيدا.. أدر ظهرك للشئ الذي يتعسك.. ابتهج.. ابتسم.. غيّر من نمط حياتك.. تجد الدنيا تبتسم لك.. اجعل الشئ الذي يكدرك.. من توافه الأمور.. واستخدم الوان الربيع تفتح لك ابواب السعاده
الى هنا اختم الجزء الثاني
اعذروني ان قصرت بدات بكتابتهايوم الاثنين بتاريخ23/7 وانهيتها 24/7
المواقف كثيره اعدكم ان اعطاني الله عمر بان اسعى جاهده لكتابةجزاء كامل
اعذروني ان اخطئت وتقبلو تحياتي
أم طــــــــــلال
استودعكم الله الذي لاتضيع ودائعه
بحــــــور


ملاحظة :
لقد سمحت كاتبة القصة بنشرها في رد لها للدكتور عادل العبد الجبار وسمعتها بنفسي فانشروها للفائده الله يجزانا وإياها الفردوس الأعلى من الجنه آمين ...
الموضوع الأصلي: الجزء الثاني* اللقيط * || الكاتب: نسيم الباز || المصدر: منتدى الشقيق






رد مع اقتباس
قديم 12-12-2010, 09:09 PM   #2


الصورة الرمزية ذكرى
ذكرى غير متواجد حالياً

بيانات اضافيه [ + ]
 رقم العضوية : 1766
 تاريخ التسجيل :  Jan 2010
 أخر زيارة : 09-23-2013 (05:16 PM)
 المشاركات : 3,275 [ + ]
 التقييم :  11
 الدولهـ
Saudi Arabia
 الجنس ~
Female
 MMS ~
MMS ~
 SMS ~
سبحان الله العظيم سبحان الله وبحمده
لوني المفضل : Black
مزاجي:
افتراضي



مشكوووووووووووره
ويعطيكي العافيه


 
 توقيع : ذكرى



رد مع اقتباس
قديم 12-23-2010, 08:50 AM   #3
حياة القلوب


الصورة الرمزية جرح القلوب
جرح القلوب غير متواجد حالياً

بيانات اضافيه [ + ]
 رقم العضوية : 3546
 تاريخ التسجيل :  Nov 2010
 أخر زيارة : 08-06-2014 (02:00 PM)
 المشاركات : 572 [ + ]
 التقييم :  10
 الدولهـ
Saudi Arabia
 الجنس ~
Female
 SMS ~
سبحان الله العظيم سبحان الله وبحمده
لوني المفضل : Crimson
مزاجي:
افتراضي



جزيت الفردوس ويعطيك العافيه اختي ذكرى


 


رد مع اقتباس
قديم 12-23-2010, 08:51 AM   #4
حياة القلوب


الصورة الرمزية جرح القلوب
جرح القلوب غير متواجد حالياً

بيانات اضافيه [ + ]
 رقم العضوية : 3546
 تاريخ التسجيل :  Nov 2010
 أخر زيارة : 08-06-2014 (02:00 PM)
 المشاركات : 572 [ + ]
 التقييم :  10
 الدولهـ
Saudi Arabia
 الجنس ~
Female
 SMS ~
سبحان الله العظيم سبحان الله وبحمده
لوني المفضل : Crimson
مزاجي:
افتراضي



ننتظر جديدك من الروايات الهادفه الجميله


 


رد مع اقتباس
قديم 01-13-2011, 04:24 PM   #5
ابومحمد


الصورة الرمزية CRASH override
CRASH override غير متواجد حالياً

بيانات اضافيه [ + ]
 رقم العضوية : 112
 تاريخ التسجيل :  Jan 2009
 أخر زيارة : 03-09-2017 (10:15 PM)
 المشاركات : 19,779 [ + ]
 التقييم :  9
 الدولهـ
Saudi Arabia
 الجنس ~
Male
 MMS ~
MMS ~
 SMS ~
اللهم اني اعوذ بك من الهم والحزن
واعوذ بك من العجز والكسل والجبن
والبخل وغلبة الدين وقهر الرجال
لوني المفضل : Darkgreen
مزاجي:
افتراضي



مشكورة اختي الفاضلة وماقصرتي


 
 توقيع : CRASH override

قرآن يفسر ويترجم ويبحث عن الايات والسور

لدعوة غير المسلمين للإسلام
أرسل جنسيته وديانته ورقم هاتفه على الرقم

00966555988899
تستطيع أن ترى الصورة بحجمها الطبيعي بعد الضغط عليها
مواضيع : CRASH override



رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
الجزء الثاني من قصة آدم عليه السلام المشوط

اخبار الشقيق
21 07-13-2013 08:23 AM
الجزء الثاني من اللقاء الأول المشوط

اخبار الشقيق
23 11-09-2012 01:39 AM
قصة نوح عليه السلام (الجزء الثاني) المشوط

اخبار الشقيق
3 11-14-2010 12:22 PM
رحلتي البحرية الجزء الثاني الغلا

منتدى الالعاب
20 04-04-2010 11:14 PM

flagcounter


الساعة الآن 10:15 AM


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
HêĽм √ 3.1 BY: ! ωαнαм ! © 2010


لأي استفسار راسلني : shoqaiq@shoqaiq.net
vEhdaa 1.1 by rKo ©2009
  :: علي الجبوري للتصميم ::

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48