ضع إعلانك هنا
   للتبادل الإعلاني    للتبادل الإعلاني    للتبادل الإعلاني    للتبادل الإعلاني                                                                              




لوحه الشرف - منتديات الشقيق

المراقب المميز العضو المميز المشرف المميز الموضوع المميز
منتدى الشقيق منتدى الشقيق منتدى الشقيق منتدى الشقيق


 


الإهداءات

     
 
العودة   منتديات الشقيق الشعر والادب و القصة والنقد

القصص و الخواطر
 
     

إنشاء موضوع جديد  إضافة رد
 
Bookmark and Share LinkBack أدوات الموضوع انواع عرض الموضوع
#1  
قديم 03-17-2009, 11:45 PM
دمعة الم غير متواجد حالياً
SMS ~
سبحان الله العظيم سبحان الله وبحمده
لوني المفضل Cadetblue
 رقم العضوية : 80
 تاريخ التسجيل : Jan 2009
 فترة الأقامة : 3934 يوم
 أخر زيارة : 06-25-2018 (12:41 AM)
 المشاركات : 3,283 [ + ]
 التقييم : 17
 معدل التقييم : دمعة الم is on a distinguished road
بيانات اضافيه [ + ]
مزاجي:
افتراضي (((جنون الحب))) قصة سعودية رومانسية روووووووعة



هلا وغلا

(جنون الحب)
ونبي الردود اذا عجبتكم انشا الله

أولاً راح أعرفكم على شخصيات القصة:
عبد الرحمن:أب للعائلة البسيطة مادياً اللي تتكون من7أشخاص عصبي شوي لكنه طيب ومتقاعد من زمان
شيخة: أم العيال وهي حنونة وطيبة
ناصر:شاب متزوج وعنده ولده حمد عمره4سنين وعمر ناصر 29سنة
عبد العزيز:عمره26سنة متدين ومايرضى بالمعاصي
خالد:شاب عمره22سنة عنيد وراسه يابس ومملوح شوي
لطيفة: بنت حلوة مثل القمر رقيقة عمرها20سنة تتميز بالهدوء والخجل والنعومة وهذا اللي محليها تدرس في ثاني جامعة تموت في قصص الحب وفيها ملامح البراءة
سارة: بنت عمرها15سنة تعيش مراهقتها بشكل عادي وهي الدلوعة وملقوفة حيل
.................................................. .........
عائلة أحمد ,أبوهم ميت من 5سنين
فوزية(أم يوسف):الأم وهي على نياتها وطيبة
أماني: وهي البنت الكبرى وعمرها 30 سنة وعندها ولد أسمه سعد عمره7سنين ومتزوجة من واحد أسمه علي ومتزوجته عن حب
يوسف:شاب عمره20 سنة حساس حيل ويتأثر بسرعة
فاطمة:بنت عمرها19سنة في أولى جامعة أجتماعية وجريئة تدرس في نفس الجامعة اللي تدرس فيها لطيفة
منصور:ولد عمره13 سنة دايماً يهزيء أخوه الكبير يوسف, فيه نبذة من الغباء
.................................................. ..........
عائلة عبد الله(بوحنان):وهو الأب اللي مدلع بناته الثنتين ومتزوج ثنتين
نوال:وهي أمهم حشاشة ومتسلطة شوي ولعينة وعصبية
حنان: وهي البنت الكبرى عمرها23سنة ومتحررة
آلاء:عمرها21سنة بنت عادية مثل باجي البنات تدرس في ثالث جامعة
.................................................. ......
عائلة يعقوب وهي تتكون من ثلاث أفراد بس:
يعقوب: وهو الأب ويدير شركة كبيرة في الكويت وعنده ولدين وهو سعودي الأصل.
سالم:شاب عمره22سنة رومانسي بشكل خيالي وحلو ووسيم حيييييل, كل البنات متهبلين فيه في الجامعة, وهو طايش ويحب البنات
سلمان:ولد عمره17سنة صايع شوي ومايشبه صفات اخوه فولا شي إلا الصياعة
.................................................. .....
نورة: صديقة لطيفة بالجامعة مصادقتها من أيام الثانوي في توافق كبير بينها وبين لطيفة
.................................................. ..
حصة: وهي أم لسالم وسلمان مطلقة من يعقوب ومتزوجة واحد ثاني وماعندها عيال منه ومتسلطة.
هذي القصة رومانسية بشكل رهيب تتفجر فيها منابع الحب وفيها الجنون جنون الحب ..هذي القصة ما وضعتها تسلية القصة للأستفادة... واللي ينكتب فيها موجود كثير في مجتمعاتنا..وهذا موتخريب لكن هذا دليل على الحب الكبير اللي ماتشوهه أي علاقة ثانية ..دليل على أصرار الحب... هالقصة تقارن بين الحب القوي اللي مايفرقه شي والحب الضعيف اللي ينتهي بسهولة ..فراق..حزن..فرح..شوق..خداع..خيانة..
................................
مرة حبيتو؟واللا حسيتو بالحب؟..حسيتو باللي يحبون؟قدرتو شعورهم واحاسيسهم؟..عذرتوهم ؟ياترى هم قاسيين لمن يفارقونكم أقصد لمن تحبون؟..شنو الحب الحقيقي؟..وشنو الحب اللي يقوم على الكذب والخداع؟كل هالأجابات تلقونها في هالقصة
وأخليكم مع القصة
.....................................
الجزء الأول:
في حي من أحياء الشقيق في بيت صغير بسيط رجعت لطيفة من جامعتها بعدما انتهى
دوام الجامعة وشافت أمها جالسة تشوف التلفزيون:
لطيفة:السلام عليكم
الأم:وعليكم السلام...جيتي
لطيفة: أي جيت
وراحت لطيفة فوق لغرفتها
ويوم دخلت لغرفتها شغلت اللمبات ورمت بكتبها على الطاولة وهي تقول:أوووووووووف وراحت للسرير وجلست فيه وهي تفكر بحزن وتقول في قلبها: ياترى أنا ليش جذي...أحس أني غير عن البنات اللي يسالفون ويضحكون وعندهم رفيجات وايد...وأنا بس رفيجة وحدة وشدراني أنها وفية بعد...مدري شالحياة التعيسة اللي أنا عايشتها....بس الحمد لله على كل حال.
.................................................. ..........
نوال وهي قاعدة تكلم بالتلفون وتضحك
نوال:...الحمد لله والشكر ماحد من عايلة عبد الرحمن سنع مرة عزيز هالمتشدد على غفلة ولا سارة هذي الخبلة ولا لطيفة اللي ملوعة جبدي بسكوتها وهي عقرب رمل وأمهم اللي تدافع عن عيالها ...مالت عليهم كلهم...
وشافت بنتها حنان نازلة من الدرج وتقولها أمها نوال:وين رايحة؟
حنان :رايحة عند رفيجتي عازمتني عالغدا
نوال:أنزين يللا روحي بس لاتتأخرين زين
حنان:أنشاء الله
وتمشي وتطلع
نوال تكمل مكالمتها اللي ماتنتهي من الحش
نوال:....إي آسفة قاطعتش عشان بنتي حنان بتروح لرفيجتها.........إي وافقت
رفيجتها:نوال أنتبهي لبنتش ترى البنات هالأيام يسوون حركات جذي و جذي
نوال:لابنتي ماتسوي هالحركات لاتخافين أنا عارفة تربيتي زين
صديقة نوال:ألا تعالي شخبار شريجتش مرت زوجش الثانية
نوال:وييييييييي مالت عليها لاتذكريني فيها هذي سعيد
صديقتها:ياحرام
نوال:بلا حرام بلا زفت هي دمرت حياتي لاوأكبر من زوجي بعد عجوز النار
...............................................
وفي بيت يعقوب(بو سالم) كان سالم في غرفته وهو منبطح على السرير ويكلم بنت
سالم:بالعكس أنا يوم عن يوم يزيد حبي لش...........ياعمري والله
ويدق الباب
سالم:لحظة...لحظة شوي...منو؟
سلمان:أنا أنا سلمان
سالم:وشفيك
سلمان: أبي أكلمك بشي مهم
سالمk باي حبيبتي أكلمش بعدين...يللا باي..........أدخل
سلمان يدخل للغرفة ويجلس على السرير اللي قاعد فيه سالم
سلمان:سالم أنا بصراحة أبي منك فلوس
سالم:فلوس!!وليش ماتطلب من أبوي؟
سلمان:الله عاد أبوي ....هوخله يقعد معانا عشان أطلب منه فلوس أبوي موحاس فينا أصلاً
سالم:وكم تبي؟
سلمان:أبي منك...200دينار بس
سالم بتعجب وهو يعدل جلسته:200دينار لاياحلو 200دينار كثير روح أطلبها من واحد ثاني
سلمان:الله يخليك أنا أخوك
سالم:أنت وين تودي فلوسك؟!
سلمان:يعني تدري الربع وجذي.ومصاريف المدرسة..أنت عطني الفلوس وبس وأرجعهم لك
سالم: اللحين احنا نقول مصاريف الجامعة وانت مصاريف المدرسة...موديل يديد والله ..أنزين بعطيك وبشوف آخرتها معاك ياسلمانو
سلمان:أقول سلوم
سالم:اييييييييه اللحين سلوم نعم شتبي بعد
سلمان:لاماشي بس ودك تروح السعودية؟ ترجع لهلك وأحبابك
سالم:ليش من متى صار لنا أحباب هناك من أول مابلغت السنة واحنا هني ومانروح السعودية بالحيل في الأعياد.... وبعدين الود ودي لواروح السعودية اليوم قبل باجر
سلمان:الله لها الكثر مشتاق لها!
سالم:أكيد هذي بلدنا اللي تمشي في عروقنا ياكثر اني مشتاق لأرضها واهلها بس ابوي الله يهديه بعض الساعات يسوي حركات شباب ومراهقين.. واللا هذا شغل انه يتغرب عن أهله
سلمان:هههههه أقول اسكت لايسمعنا اللحين
سالم:ياخي خله يسمعنا عشان يحس
سلمان :بس هذا شغل وهو مضطر
سالم:جا المحامي سالم بن يعقوب
سلمان:سويلم بقولك شي بس ماتزعل
سالم باستغراب:شنو!
سلمان:تصدق قلبك حجر والا أبوك مو مهتم انه يزعل واللا لا
سالم:هاه أشوفك مصختها أقول روح وماراح أعطيك ولافلس
سلمان:لالالابليييييييييييييييييييز سلومي أنا أخوك الوحيد الحبوب
سالم يشوف اخوه من طرف عينه:والله تورطنا مع هالأخو المشكلة ماعندي غيرك
.................................................. .........
وفي بيت أحمد بو يوسف كان يوسف جالس يتفرج على التلفزيون وهو منسدح ويقوم شوي ويجلس مكانه أخوه منصور ويرجع يوسف ويشوف منصور
يوسف:قوم هذا مكاني
منصور:أقول روح بس
يوسف:منصورو قوم
منصور:أنقلع مكان ثاني
وانسحب يوسف من دون قوة
فاطمة وهي جاية لهم:يوسف وين أمي
يوسف:شدراني
فاطمة:منصورو وين أمي
منصور:مادري عنها
فاطمة تنادي أمها بصراخ:يمه...يمه
فوزية:نعم يمه
فاطمة:يمة وينش قاعدة أدورش من زمان
فوزية:شبغيتي يافاطمة
فاطمة:أبي جوال
الأم:انزين شاسويلش حنا ماعندنا فلوس
فاطمة:يمه الله يخليش اللحين كل البنات اللي فعمري عندهم جوالات وأنا في أولى جامعة يعني لازم أشتري جوال
الام:أنشاالله يمه بشتريلش بس بعدين
فاطمة:وأبي جوال جديد بوكاميرا طبعاً
يوسف:بعد بوكاميرا!
فاطمة:أي مالك دخل
يوسف:أقول لاتنفخين
فاطمة تعطي وجهها لأمها:هايمه توعديني أنش تشترين لي جوال؟
الام:أوعدش يايمه..لوكان أبوش هني كان ماقصر معاكم بس ماقول الا الله يرحمه
.................................................. .....
آلاء كانت تذاكر دروسها للجامعة ودخلت عيها أمها
نوال:هاآلاء يمه تذاكرين؟
آلاء:أي نعم
نوال:أيه صيري أحسن من أختش ذاكري عدل وشدي حيلش
آلاء:أنشا الله
نوال:عسى الله يوفقكم ويخليكم لي يارب
حنان جات لهم
حنان:ها...كني سمعت حش عني
نوال(أم حنان):لاحش ولاشي أنا أقول الصج لازم تذاكر آلاء موتصير مثلش ماأمدى طلعتي من الجامعة على طول شتغلتي حتى ماكملتي دراستش الجامعية
حنان:موأحسن أني أشتغل يعني!ولاحنا على زمان لوَل البنت لازم ينقعونها في البيت لين تموت من الزهق ...الحياة حرية
نوال:أنتي الحشي ضايع معاش...أهو بس وخري( وطلعت نوال من الغرفة)
وحنان تسرع لأختها آلاء وتقعد في سريرها
حنان:آلاء...آلاء واعدني
آلاء:منو؟
حنان: مين بعد خالد ولد عمي
آلاء:صج؟!
حنان:أي(والضحكة شاقة وجهها)
آلاء:وين؟
حنان وهي متشققة من الوناسة :في المطعم وهذا أول موعد لنا
آلاء:أنا أول مرة أشوف علاقة تطول جذي معقولة5سنين وأنتي معاه وماحد يدري بعد!
حنان:لأن كل واحد منا أذكى من الثاني
آلاء:تحبين نفسش...المهم كم الساعة بتروحين له
حنان:قالي الساعة10تكونين هناك
آلاء: يابختش ليتني أكون مثلش
حنان:أيه تذكرت أنش تتشفقين على الحب
آلاء مافي أحلى من الحب
.................................................
خالد وهو طالع :يمه يمه
شيخة (أم ناصر):نعم آمر
خالد:لابس أبي أقولش أني طالع يللا مع السلامة
الام:مع السلامة يمة
عبد العزيز :هذا شسالفته من هو مراهق وهوكله جذي حاله ...طالع ...نايم...طالع...نايم
ناصر:لاصج عمره ماجلس في البيت أنا أخاف أنسى شكله
الام:ناصر..عزيز خلوه على راحته ماعليكم منه....شلون حمود ياناصر
جت سارة الخبلة:يمه...يمه...يمه
الأم:جات الخبلة نعم شتبين؟
سارة:وين لطيفة؟
الأم:فوق في غرفتها
سارة:وين حمود؟
الأم:هناك مع أمه
سارة:ويه أمه هالكريهة
شيخة(أم ناصر):عيب عليش هالحشي هذي مرت أخوش
ناصر:لا وتقول هالكلام جدامي جني مو موجود
........................................
ودخلت سارة لغرفة لطيفة وشافتها تقرا وهي قاعدة على الكرسي
سارة:شتقرين؟
لطيفة:قصة رومانسية
سارة:أنا أكره شي عندي القراية مادري شتحبين فيها
لطيفة:وشفيها القراية؟!هي اللي تثقفش وتعلمش
سارة:وقصص بعد الله يصبرش
لطيفة بوناسة:القصص الرومانسية أحلى شي عندي بالدنيا
سارة:اللي يسمعش يقول أن أنش ملكة الحب يالمراهقة
لطيفة:وانا من كبري يعني!توني في الـ20ومو شرط المراهق اللي يحب.. وبعدين المراهقة مو شرط تكون من13-18سنة فيه دخلوا الخمسين وللحين يراهقون
سارة:شي عجيب في هالدنيا!
لطيفة:توش تدرين بهالشي!وفي أشياء أغرب وأغرب
.................................................. ................
شنو اللي ينتظر لطيفة؟
وهل راح ينكشف الحب اللي بين حنان وخالد؟
وسالم هل راح يحب حب حقيقي ولاراح يتم يقص على البنات؟
وشسبب نقل ابو سالم من السعودية للكويت؟
انتهى الجزء الأول وإنشاء الله إذا شفت ردودكم راح أنزل الجزء الثاني وبطوله زيادة
باااااااااااااااااااااااي






 توقيع : دمعة الم



آخر تعديل دمعة الم يوم 03-17-2009 في 11:48 PM.
رد مع اقتباس
قديم 03-18-2009, 11:23 PM   #2


الصورة الرمزية امير الحور
امير الحور غير متواجد حالياً

بيانات اضافيه [ + ]
 رقم العضوية : 52
 تاريخ التسجيل :  Jan 2009
 أخر زيارة : 06-13-2010 (10:48 AM)
 المشاركات : 1,176 [ + ]
 التقييم :  10
 SMS ~
سبحان الله العظيم سبحان الله وبحمده
لوني المفضل : Cadetblue
افتراضي



يعطيك العافيه اخوي على القصة من جد شديتني للجزء الثاني

يسلموووووووووووو


 
 توقيع : امير الحور



رد مع اقتباس
قديم 08-08-2010, 11:15 PM   #3


الصورة الرمزية ذكرى
ذكرى غير متواجد حالياً

بيانات اضافيه [ + ]
 رقم العضوية : 1766
 تاريخ التسجيل :  Jan 2010
 أخر زيارة : 09-23-2013 (05:16 PM)
 المشاركات : 3,275 [ + ]
 التقييم :  11
 الدولهـ
Saudi Arabia
 الجنس ~
Female
 MMS ~
MMS ~
 SMS ~
سبحان الله العظيم سبحان الله وبحمده
لوني المفضل : Black
مزاجي:
افتراضي



مشكوووووووووووره على القصه


 
 توقيع : ذكرى



رد مع اقتباس
قديم 08-10-2010, 04:20 PM   #4


الصورة الرمزية الدانه الخجوله
الدانه الخجوله غير متواجد حالياً

بيانات اضافيه [ + ]
 رقم العضوية : 2114
 تاريخ التسجيل :  Apr 2010
 أخر زيارة : 05-16-2012 (07:41 PM)
 المشاركات : 2,865 [ + ]
 التقييم :  10
 SMS ~
سبحان الله العظيم سبحان الله وبحمده
لوني المفضل : Cadetblue
مزاجي:
افتراضي



قصه رااااااااااائعه جدا


 
 توقيع : الدانه الخجوله



رد مع اقتباس
قديم 08-13-2010, 05:20 PM   #5


الصورة الرمزية شذى الورد
شذى الورد غير متواجد حالياً

بيانات اضافيه [ + ]
 رقم العضوية : 1235
 تاريخ التسجيل :  Aug 2009
 العمر : 22
 أخر زيارة : 11-03-2012 (08:59 PM)
 المشاركات : 3,314 [ + ]
 التقييم :  18
 الدولهـ
Saudi Arabia
 الجنس ~
Female
 MMS ~
MMS ~
 SMS ~
سبحان الله العظيم سبحان الله وبحمده
لوني المفضل : Blue
مزاجي:
افتراضي



جزاك الله خير
على القصه


 
 توقيع : شذى الورد



رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
رومانسية الاحمر لحد الجنون اسرار الطفوله

الصحة والحياة
12 01-17-2012 03:32 PM
نقوش حناء روووووووعة الغلا

أناقة وجمال
25 08-09-2010 02:32 PM
قصة رومانسية مؤثرة محمد حمد

القصص و الخواطر
9 04-22-2010 05:16 PM
رومانسية اجدادنا.... الميراج

المنتدى العام
3 08-16-2009 11:50 PM

flagcounter


الساعة الآن 05:03 AM


Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO ©2011, Crawlability, Inc. TranZ By Almuhajir
HêĽм √ 3.1 BY: ! ωαнαм ! © 2010


لأي استفسار راسلني : shoqaiq@shoqaiq.net
vEhdaa 1.1 by rKo ©2009
  :: علي الجبوري للتصميم ::

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48